Membership Type Calculator

---

ग्रेटर अस्टिन नेपाली सासाइटी
निर्वाचन आयोग, छैठौं अधिवेशन २०२६
सूचना

मितिः फेब्रुअरी २१, २०२६

ग्यान्सको आगामी नयाँ नेतृत्वका लागी निर्वाचन मे २४ आईतवार, २०२६ र छैठौं अधिवेशन मे ३१ आईतवार, २०२६ मा हुने तय गर्दै यसका लागी श्री प्रदुम्न श्रेष्ठ प्रमुख र श्री धर्मानन्द गौतम तथा श्री सुनील सिटौला सदस्य रहेको ३ सदस्यीय निर्वाचन आयोग गठन गर्ने निर्णय ग्यान्स ट्रस्टी भेलाबाट समेत अनुमोदित भई सार्वजनिक भैसकेको छ । 

यस गहन जिम्मेवारीका लागी हार्दिक धन्यवाद सहित यस जिम्मेवारीलाई हामी ग्यान्स विधान, परम्परा र आवश्यकताका आधारमा निर्वाह गर्ने प्रतिवद्धता ब्यक्त गर्दछौं ।
ग्यान्स निर्वाचन तथा अधिवेशनका बारेमा निम्न कुराहरु प्रति यहाँहरुको विशेष ध्यानाकर्षण गर्न चाहन्छौंः

(१)  ग्यान्सका पुराना आजीवन तथा ट्रस्टी सदस्यहरुको लिष्ट https://ourgans.org/member-list वेवसाईटमा उपलब्ध छ । आफ्नो नाम चेक गरेर छुटेको या सच्याउनु पर्ने भए ग्यान्स नेतृत्वसित समयमा सम्पर्क गर्नु होला ।

(२)  ग्यान्स विधान https://ourgans.org/bylaws ग्यान्सको वेवसाईटमा उपलब्ध छ । ग्यान्स निर्वाचन र अधिवेशन बारे राम्ररी बुझ्न विधान अध्ययन गर्नु होस् । 

(३)  ग्यान्स विधान भाग १० (ख) को ४ र ५ मुताविक यस निर्वाचनमा सहभागी हुन नयाँ सदस्य बन्न सकिने अन्तिम मिति यो सूचना प्रकाशित भएको मितिले १ महिना अर्थात मार्च २३, २०२६ सम्म तोकिएको छ । सदस्यहरुको लिस्ट या मतदाता नामावली मार्च २७, २०२६ मा प्रकाशित गरिने छ र यसमा रुजु गरी गल्ती सच्याउने समय उपलब्ध गराइ अन्तिम नामावली प्रकाशन अप्रिल ५, २०२६ मा गरिनेछ । 

(४)  ग्यान्समा ट्रस्टी सदस्य, आजीवन सदस्य र साधारण सदस्य गरी ३ किसिमका सदस्यहरु हुन्छन् ।
* सामुदायिक तथा आध्यात्मिक केन्द्रका लागी $5,000 या माथि चन्दा दान गर्ने ट्रस्टी परिवारका सबै योग्यता पुगेकाहरु आवेदन फर्म भरेर ट्रस्टी सदस्य बन्न सकिन्छ ।
* त्यस्तै $350 चन्दा दान गर्ने ब्यक्तिलाई सदस्यता आवेदन फर्म भरेर आजीवन सदस्य बन्न सक्ने प्रायोजन छ ।
* एक कार्य कालका लागी $100 शुल्क तिरेर ग्यान्सको साधारण सदस्यताका लागी आवेदन दिन सकिन्छ ।
* साधारण, आजीवन र ट्रस्टी सदस्यलाई मात्र कार्य समिति छान्न मतदान गर्ने अधिकार हुन्छ भने संचालक समिति या बोर्ड अफ ट्रस्टी छान्ने अधिकार ट्रस्टी सदस्यहरुलाई मात्र हुन्छ । उम्मेदवार हुन पाउने मापदण्डका लागी विधान हेर्नु होला । यस बारे विस्तृत रुपमा पछि अर्को सूचनामा प्रस्तुत गरिने छ । 

(५)  उम्मेदवारी दर्ता अप्रिल १० देखी अप्रिल १२, २०२६ सम्म । यस पछिका बाँकी कार्यक्रमहरु तथा निर्वाचन आचारसंहिता लगायतको विस्तृत विवरण पछि प्रकाशित गरिनेछ ।

(६)  निर्वाचन आयोग सँग सम्वन्धित सम्पूर्ण तपाईका सुझाव तथा सम्पर्कका लागी ganselection@gmail.com मा सम्पर्क गर्नु होला । 

हार्दिक धन्यवाद सहित
निर्वाचन आयोग, ग्यान्स छैठौं अधिवेशन २०२६